അവധിക്കാലം

ഒരു ചെറിയ യാത്ര പറച്ചിലാണു,വരുന്ന വെള്ളിയാഴ്ച നാട്ടില്‍ പോകുന്നു.
അങ്ങിനെ പറയാന്‍ തക്കവണ്ണം ഒന്നുമില്ല.ഒരു മാസം അവധി.ഭാര്യയെയും മക്കളെയും നേരത്തെ കേറ്റി വിട്ടിരുന്ന വിവരം ഇവിടെ കുറച്ചു പേര്‍ക്കു അറിയാം.ബ്ലൊഗ്ഗര്‍ മീറ്റിന്നു പരിവാരങളൊന്നുമില്ലതെ കൈ വീശി
വന്നതു കൊണ്ടു.

വീടൊക്കെ വൃത്തിയാക്കി,വാഷ് ബേസിനില്‍ പാത്രങളൊന്നുമില്ലല്ലോ എന്നു നോക്കി.
പുറത്ത് അഴയില്‍ തുണികളൊന്നുമില്ലല്ലോ എന്നു ഉറപ്പു വരുത്തി.(ഇതൊക്കെ ചെയ്താല്‍ തിരിച്ചു വരുമ്പോള്‍ ഉള്ള ചെറിയ,ചെറിയ ഭുകമ്പങള്‍ ഒഴിവാക്കാം - അല്ലെങ്കില്‍ രണ്ടു മാസങ്ങള്‍ക്കു മുന്‍പു പോയപ്പോള്‍ അവള്‍ ഇട്ടിട്ടു പോയതാണെന്നു സ്ഥാപിച്ചു കളയും.)
സീസണിലെ അവസാനതെ പൊസ്റ്റും പൊസ്റ്റി.

!ഇവിടെ

മരിക്കന്‍ കിടക്കുന്നവന് അന്ത്യകൂദാശ കൊടുക്കുന്ന തിരക്കില്‍ അതു മുങ്ങിപ്പോയി എന്നു തോന്നുന്നു.

****
നാട്ടില്‍ ചെല്ലുമ്പോള്‍ ചെയ്യാന്‍ ഭാര്യ കുറച്ച് വഴിപാടുകളൊക്കെ നേര്‍ന്നിട്ടുണ്ടു.ഇല്ല, ശയന പ്രദക്ഷിണം ഒന്നുമില്ല.

ഈ കാര്യം ഇവിടെയുള്ള കാട്ടുക്കാരന്‍ ജോണിച്ചേട്ടനോടു പറഞപ്പോള്‍ അങ്ങേരു പറഞ്ഞു,ദൈവത്തോടു കളിക്കണ്ട അല്ലെങില്‍ അന്തോണി ചേട്ടന്റെ പോലേയാവും എന്ന്.അതെന്താണെന്നു ചോദിച്ചപ്പോള്‍ പറഞ്ഞത് താഴെ കൊടുക്കുന്നു.

അന്തോണി ചേട്ടന്‍ കാട്ടൂരിലെ ഒരു പ്രമുഖ വ്യക്തിയാണു.

ഇഷ്ടദൈവം അന്തോണീസ് പുണ്യാളനും.ഇദ്ദെഹത്തിനു സ്വന്തമായി ഒരു ബ്ലൊഗുണ്ടായിരുന്നെകില്‍ അതിന്റെ അടിയില്‍ കുഞ്ഞു അക്ഷരങങളീല്‍ “അന്തോണീസ് പുണ്യാളന്‍ ഈ ബ്ലൊഗ്ഗിന്റെ നാഥന്‍ “ എന്നു എഴുതി വെച്ചേനെ.
ഇങ്ങേരുടെ ഹോബികള്‍ കാ‍ട്ടൂര്‍ നല്ല സുലഭമായി കിട്ടുന്ന തെങിന്‍ കള്ളടിയും ചൂണ്ടയിയ്യു മിന്‍ പിടുത്തവുമാണു.
ഗള്‍ഫില്‍ എം എന്‍ സി കളില്‍ സീ വി ഒന്നും കൊടുക്കത്തതുക്കൊണ്ടു ഗോള്‍ഫ്,റ്റെന്നീസ്,റഗ്ബി എന്നിവയൊന്നും അറിയുമെന്നു പറഞ്ഞില്ല.

കള്ളിന്റെ കാര്യമൊക്കെ പറഞ്ഞു ലേശം ഔട്ട് ഓഫ് ഫൊകസ് ആയി പോയി,തിരിച്ചു വരാം .

ഈ അന്തോണിയേട്ടന്‍ ഒരു ദിവസത്തെ പ്രൊഗ്രാമിലെ ആദ്യത്തെ ഇനമായ ചൂണ്ടയിടലില്‍ തുടങ്ങി.

ഉച്ചവരെ കറങ്ങി നടന്നിട്ടും മീനുകളൊക്കെ “ അന്തോണിയേട്ടനെ ഞാ‍ന്‍ വെറും ഫ്രണ്ടായിട്ടെ കണക്കാക്കിയിട്ടുള്ളൂ “ എന്ന മട്ടില്‍ മാറി നിന്നു.
ക്ഷമ കെട്ട നമ്മുടെ ആള്‍ “ഇനി കിട്ടുന്ന ആദ്യത്തെ മീന്‍ അന്തൊന്നീസ് പുണ്യാളനു നേര്‍ച്ച“
എന്നു മനസ്സിലോര്‍ത്തു.(സത്യക്രിസ്ത്യാനിയയതു കൊണ്ടു കൊടുക്കാനുള്ള കാര്യങ്ങള്‍ ഉറക്കെ പറയില്ല എന്നു ജോണിയേട്ടന്‍)

ഇപ്പഴത്തെ കാലത്ത് ദൈവം ഓണ്‍ ലൈന്‍ ആണെന്നതു തെളിയിച്ചു കൊണ്ടു അതാ ചൂണ്ടയില്‍ ഒരു മീന്‍ കുടുങ്ങി.

പൊക്കി നോക്കിയപ്പൊള്‍ രണ്ടു രണ്ടര കിലോ തൂക്കമുള്ള ഒരു ബ്രാല്‍ ( വഴു വഴുപ്പുള്ള ഒരു തരം മീന്‍ , ചില സ്ഥലങ്ങളില്‍ വരാല്‍ എന്നും പറയും) അന്തോണി ചെട്ടന്‍ അതും പൊക്കിപിടിച്ച് പള്ളീയിലേക്കു നടന്നു.

പാതി വഴി നടന്നപ്പോഴാണു തലയില്‍ ബള്‍ബ് മിന്നിയത്.

അല്ല, അതോനീസ് പുണ്യാളനു ഇപ്പോള്‍ എന്തുട്ടിനാ മീ‍ന്‍ ?

പാവം പള്ളിയില് ഇങ്ങനെ നിക്ക്വല്ലെ

ഇതിപ്പൊ ഞാന്‍ വീട്ടില്‍ കൊണ്ടൊയാ മറിയ നല്ല ബെസ്റ്റ് കറീയുണ്ടാക്കും.

ഈ ആലൊചന ശബ്ദമായി പുറത്തേക്കു വന്നില്ല , അതിനു മുന്‍പു.

“ബ്ലും “

കയ്യിലിലുരുന്ന മീന്‍ ചാടി ബൈ ബൈ പറഞ്ഞു വെള്ളത്തിലൂടെ ഊളയിട്ടു പോയി. അന്തോണിയേട്ടന്‍‍ ആകാശത്തിലേക്കു ആകമാനം ഒന്നു നോക്കി. പുണ്യാളന്‍ എവിടെയെങ്കിലും ഒളിച്ചിരി‍ക്കുനുണ്ടൊ എന്നറിയാന്‍.പിന്നെ തിരിച്ചു വീട്ടിലേക്കു നടന്നു.

നടക്കുന്ന വഴിക്കു ഇങ്ങിനെ പിറുപിറുത്തു.
“ഛേ,അന്തോ‍ണി ചുമ്മാ ഒരു തമാശ പറഞ്ഞതല്ലെ പുണ്യാളച്ചൊ ?
അതങ്ങു കാര്യമാക്കി എടുത്തു അല്ലെ ?

ഇക്കാലത്ത് ഒരു തമാശ പറയാനും പറ്റാതായല്ലൊ ഈശൊയേ